Mahā Hatthipadopama Sutta

 8. Mahāhatthipadopamasuttaṃ

300. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca – ‘‘seyyathāpi, āvuso, yāni kānici jaṅgalānaṃ pāṇānaṃ padajātāni sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati yadidaṃ mahantattena; evameva kho, āvuso, ye keci kusalā dhammā sabbete catūsu ariyasaccesu saṅgahaṃ gacchanti. Katamesu catūsu? Dukkhe ariyasacce , dukkhasamudaye ariyasacce, dukkhanirodhe ariyasacce, dukkhanirodhagāminiyā paṭipadāya ariyasacce’’.

301. ‘‘Katamañcāvuso, dukkhaṃ ariyasaccaṃ? Jātipi dukkhā, jarāpi dukkhā, maraṇampi dukkhaṃ, sokaparidevadukkhadomanassupāyāsāpi dukkhā, yampicchaṃ na labhati tampi dukkhaṃ; saṃkhittena, pañcupādānakkhandhā dukkhā. Katame cāvuso, pañcupādānakkhandhā? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.

‘‘Katamo cāvuso, rūpupādānakkhandho? Cattāri ca mahābhūtāni, catunnañca mahābhūtānaṃ upādāya rūpaṃ.

‘‘Katamā cāvuso, cattāro mahābhūtā? Pathavīdhātu, āpodhātu , tejodhātu, vāyodhātu.

302. ‘‘Katamā cāvuso, pathavīdhātu? Pathavīdhātu siyā ajjhattikā, siyā bāhirā. Katamā cāvuso, ajjhattikā pathavīdhātu? Yaṃ ajjhattaṃ paccattaṃ kakkhaḷaṃ kharigataṃ upādinnaṃ, seyyathidaṃ – kesā lomā nakhā dantā taco maṃsaṃ nhāru aṭṭhi aṭṭhimiñjaṃ vakkaṃ hadayaṃ yakanaṃ kilomakaṃ pihakaṃ papphāsaṃ antaṃ antaguṇaṃ udariyaṃ karīsaṃ, yaṃ vā panaññampi kiñci ajjhattaṃ paccattaṃ kakkhaḷaṃ kharigataṃ upādinnaṃ. Ayaṃ vuccatāvuso, ajjhattikā pathavīdhātu. Yā ceva kho pana ajjhattikā pathavīdhātu, yā ca bāhirā pathavīdhātu, pathavīdhāturevesā. ‘Taṃ netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā pathavīdhātuyā nibbindati, pathavīdhātuyā cittaṃ virājeti.

‘‘Hoti kho so, āvuso, samayo yaṃ bāhirā āpodhātu pakuppati pathavīdhātu pakuppati (ka.). Antarahitā tasmiṃ samaye bāhirā pathavīdhātu hoti. Tassā hi nāma, āvuso, bāhirāya pathavīdhātuyā tāva mahallikāya aniccatā paññāyissati, khayadhammatā paññāyissati, vayadhammatā paññāyissati, vipariṇāmadhammatā paññāyissati. Kiṃ panimassa mattaṭṭhakassa kāyassa taṇhupādinnassa ‘ahanti vā mamanti vā asmī’ti vā? Atha khvāssa notevettha hoti.

‘‘Tañce, āvuso, bhikkhuṃ pare akkosanti paribhāsanti rosenti vihesenti, so evaṃ pajānāti – ‘uppannā kho me ayaṃ sotasamphassajā dukkhavedanā . Sā ca kho paṭicca, no apaṭicca. Kiṃ paṭicca? Phassaṃ paṭicca’. So sopikho (syā.), sopi (ka.) phasso aniccoti passati, vedanā aniccāti passati, saññā aniccāti passati, saṅkhārā aniccāti passati, viññāṇaṃ aniccanti passati. Tassa dhātārammaṇameva cittaṃ pakkhandati pasīdati santiṭṭhati adhimuccati.

‘‘Tañce, āvuso, bhikkhuṃ pare aniṭṭhehi akantehi amanāpehi samudācaranti – pāṇisamphassenapi leḍḍusamphassenapi daṇḍasamphassenapi satthasamphassenapi. So evaṃ pajānāti – ‘tathābhūto kho ayaṃ kāyo yathābhūtasmiṃ kāye pāṇisamphassāpi kamanti, leḍḍusamphassāpi kamanti, daṇḍasamphassāpi kamanti, satthasamphassāpi kamanti. Vuttaṃ kho panetaṃ bhagavatā kakacūpamovāde – ‘‘ubhatodaṇḍakena cepi, bhikkhave, kakacena corā ocarakā aṅgamaṅgāni okanteyyuṃ, tatrāpi yo mano padūseyya na me so tena sāsanakaro’’ti. Āraddhaṃ kho pana me vīriyaṃ bhavissati asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Kāmaṃ dāni imasmiṃ kāye pāṇisamphassāpi kamantu, leḍḍusamphassāpi kamantu, daṇḍasamphassāpi kamantu, satthasamphassāpi kamantu, karīyati hidaṃ buddhānaṃ sāsana’nti.

‘‘Tassa ce, āvuso, bhikkhuno evaṃ buddhaṃ anussarato evaṃ dhammaṃ anussarato evaṃ saṅghaṃ anussarato upekkhā kusalanissitā na saṇṭhāti. So tena saṃvijjati saṃvegaṃ āpajjati – ‘alābhā vata me, na vata me lābhā, dulladdhaṃ vata me, na vata me suladdhaṃ, yassa me evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhātī’ti. Seyyathāpi, āvuso, suṇisā sasuraṃ disvā saṃvijjati saṃvegaṃ āpajjati; evameva kho, āvuso, tassa ce bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhāti, so tena saṃvijjati saṃvegaṃ āpajjati – ‘alābhā vata me na vata me lābhā, dulladdhaṃ vata me, na vata me suladdhaṃ, yassa me evaṃ buddhaṃ anussarato evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhātī’ti. Tassa ce, āvuso, bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato upekkhā kusalanissitā saṇṭhāti, so tena attamano hoti. Ettāvatāpi kho, āvuso, bhikkhuno bahukataṃ hoti.

303. ‘‘Katamā cāvuso, āpodhātu? Āpodhātu siyā ajjhattikā, siyā bāhirā. Katamā cāvuso ajjhattikā āpodhātu? Yaṃ ajjhattaṃ paccattaṃ āpo āpogataṃ upādinnaṃ, seyyathidaṃ – pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā muttaṃ, yaṃ vā panaññampi kiñci ajjhattaṃ paccattaṃ āpo āpogataṃ upādinnaṃ – ayaṃ vuccatāvuso, ajjhattikā āpodhātu. Yā ceva kho pana ajjhattikā āpodhātu yā ca bāhirā āpodhātu, āpodhāturevesā. ‘Taṃ netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā āpodhātuyā nibbindati, āpodhātuyā cittaṃ virājeti.

‘‘Hoti kho so, āvuso, samayo yaṃ bāhirā āpodhātu pakuppati. Sā gāmampi vahati, nigamampi vahati, nagarampi vahati, janapadampi vahati, janapadapadesampi vahati. Hoti kho so, āvuso, samayo yaṃ mahāsamudde yojanasatikānipi udakāni ogacchanti, dviyojanasatikānipi udakāni ogacchanti, tiyojanasatikānipi udakāni ogacchanti, catuyojanasatikānipi udakāni ogacchanti, pañcayojanasatikānipi udakāni ogacchanti, chayojanasatikānipi udakāni ogacchanti, sattayojanasatikānipi udakāni ogacchanti. Hoti kho so, āvuso, samayo yaṃ mahāsamudde sattatālampi udakaṃ saṇṭhāti, chattālampi udakaṃ saṇṭhāti, pañcatālampi udakaṃ saṇṭhāti, catuttālampi udakaṃ saṇṭhāti, titālampi udakaṃ saṇṭhāti, dvitālampi udakaṃ saṇṭhāti, tālamattampi tālaṃpi (sī.) udakaṃ saṇṭhāti. Hoti kho so, āvuso, samayo yaṃ mahāsamudde sattaporisampi udakaṃ saṇṭhāti, chapporisampi udakaṃ saṇṭhāti, pañcaporisampi udakaṃ saṇṭhāti, catupporisampi udakaṃ saṇṭhāti, tiporisampi udakaṃ saṇṭhāti, dviporisampi udakaṃ saṇṭhāti, porisamattampi porisaṃpi (sī.) udakaṃ saṇṭhāti. Hoti kho so, āvuso, samayo yaṃ mahāsamudde aḍḍhaporisampi udakaṃ saṇṭhāti, kaṭimattampi udakaṃ saṇṭhāti, jāṇukamattampi udakaṃ saṇṭhāti, gopphakamattampi udakaṃ saṇṭhāti. Hoti kho so, āvuso, samayo, yaṃ mahāsamudde aṅgulipabbatemanamattampi udakaṃ na hoti. Tassā hi nāma, āvuso, bāhirāya āpodhātuyā tāva mahallikāya aniccatā paññāyissati, khayadhammatā paññāyissati, vayadhammatā paññāyissati, vipariṇāmadhammatā paññāyissati. Kiṃ panimassa mattaṭṭhakassa kāyassa taṇhupādinnassa ‘ahanti vā mamanti vā asmīti’ vā? Atha khvāssa notevettha hoti…pe… tassa ce, āvuso, bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato upekkhā kusalanissitā saṇṭhāti. So tena attamano hoti. Ettāvatāpi kho, āvuso, bhikkhuno bahukataṃ hoti.

304. ‘‘Katamā cāvuso, tejodhātu? Tejodhātu siyā ajjhattikā, siyā bāhirā. Katamā cāvuso, ajjhattikā tejodhātu? Yaṃ ajjhattaṃ paccattaṃ tejo tejogataṃ upādinnaṃ, seyyathidaṃ – yena ca santappati, yena ca jīrīyati, yena ca pariḍayhati, yena ca asitapītakhāyitasāyitaṃ sammā pariṇāmaṃ gacchati, yaṃ vā panaññampi kiñci ajjhattaṃ paccattaṃ tejo tejogataṃ upādinnaṃ – ayaṃ vuccatāvuso, ajjhattikā tejodhātu. Yā ceva kho pana ajjhattikā tejodhātu yā ca bāhirā tejodhātu, tejodhāturevesā. ‘Taṃ netaṃ mama , nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā tejodhātuyā nibbindati, tejodhātuyā cittaṃ virājeti.

‘‘Hoti kho so, āvuso, samayo yaṃ bāhirā tejodhātu pakuppati. Sā gāmampi dahati, nigamampi dahati, nagarampi dahati, janapadampi dahati, janapadapadesampi dahati. Sā haritantaṃ vā panthantaṃ vā selantaṃ vā udakantaṃ vā ramaṇīyaṃ vā bhūmibhāgaṃ āgamma anāhārā nibbāyati. Hoti kho so, āvuso, samayo yaṃ kukkuṭapattenapi nhārudaddulenapi aggiṃ gavesanti . Tassā hi nāma, āvuso, bāhirāya tejodhātuyā tāva mahallikāya aniccatā paññāyissati, khayadhammatā paññāyissati, vayadhammatā paññāyissati, vipariṇāmadhammatā paññāyissati. Kiṃ panimassa mattaṭṭhakassa kāyassa taṇhupādinnassa ‘ahanti vā mamanti vā asmī’ti vā? Atha khvāssa notevettha hoti…pe… tassa ce, āvuso, bhikkhuno evaṃ buddhaṃ anussarato evaṃ dhammaṃ anussarato evaṃ saṅghaṃ anussarato upekkhā kusalanissitā saṇṭhāti, so tena attamano hoti. Ettāvatāpi kho, āvuso, bhikkhuno bahukataṃ hoti.

305. ‘‘Katamā cāvuso, vāyodhātu? Vāyodhātu siyā ajjhattikā, siyā bāhirā. Katamā cāvuso, ajjhattikā vāyodhātu? Yaṃ ajjhattaṃ paccattaṃ vāyo vāyogataṃ upādinnaṃ, seyyathidaṃ – uddhaṅgamā vātā, adhogamā vātā, kucchisayā vātā, koṭṭhāsayā koṭṭhasayā (sī. pī.) vātā, aṅgamaṅgānusārino vātā, assāso passāso iti, yaṃ vā panaññampi kiñci ajjhattaṃ paccattaṃ vāyo vāyogataṃ upādinnaṃ – ayaṃ vuccatāvuso, ajjhattikā vāyodhātu. Yā ceva kho pana ajjhattikā vāyodhātu, yā ca bāhirā vāyodhātu, vāyodhāturevesā. ‘Taṃ netaṃ mama nesohamasmi na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā vāyodhātuyā nibbindati vāyodhātuyā cittaṃ virājeti.

‘‘Hoti kho so, āvuso, samayo yaṃ bāhirā vāyodhātu pakuppati. Sā gāmampi vahati, nigamampi vahati, nagarampi vahati, janapadampi vahati, janapadapadesampi vahati. Hoti kho so, āvuso, samayo yaṃ gimhānaṃ pacchime māse tālavaṇṭenapi vidhūpanenapi vātaṃ pariyesanti, ossavanepi tiṇāni na icchanti. Tassā hi nāma, āvuso, bāhirāya vāyodhātuyā tāva mahallikāya aniccatā paññāyissati, khayadhammatā paññāyissati, vayadhammatā paññāyissati, vipariṇāmadhammatā paññāyissati. Kiṃ panimassa mattaṭṭhakassa kāyassa taṇhupādinnassa ‘ahanti vā mamanti vā asmī’ti vā? Atha khvāssa notevettha hoti.

‘‘Tañce, āvuso, bhikkhuṃ pare akkosanti paribhāsanti rosenti vihesenti. So evaṃ pajānāti, uppannā kho me ayaṃ sotasamphassajā dukkhā vedanā. Sā ca kho paṭicca, no apaṭicca. Kiṃ paṭicca? Phassaṃ paṭicca. Sopi phasso aniccoti passati, vedanā aniccāti passati , saññā aniccāti passati, saṅkhārā aniccāti passati, viññāṇaṃ aniccanti passati. Tassa dhātārammaṇameva cittaṃ pakkhandati pasīdati santiṭṭhati adhimuccati.

‘‘Tañce, āvuso, bhikkhuṃ pare aniṭṭhehi akantehi amanāpehi samudācaranti, pāṇisamphassenapi leḍḍusamphassenapi daṇḍasamphassenapi satthasamphassenapi. So evaṃ pajānāti ‘tathābhūto kho ayaṃ kāyo yathābhūtasmiṃ kāye pāṇisamphassāpi kamanti, leḍḍusamphassāpi kamanti, daṇḍasamphassāpi kamanti, satthasamphassāpi kamanti. Vuttaṃ kho panetaṃ bhagavatā kakacūpamovāde ‘‘ubhatodaṇḍakena cepi, bhikkhave, kakacena corā ocarakā aṅgamaṅgāni okanteyyuṃ. Tatrāpi yo mano padūseyya, na me so tena sāsanakaro’’ti. Āraddhaṃ kho pana me vīriyaṃ bhavissati asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Kāmaṃ dāni imasmiṃ kāye pāṇisamphassāpi kamantu, leḍḍusamphassāpi kamantu, daṇḍasamphassāpi kamantu, satthasamphassāpi kamantu. Karīyati hidaṃ buddhānaṃ sāsana’nti.

‘‘Tassa ce, āvuso, bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato upekkhā kusalanissitā na saṇṭhāti. So tena saṃvijjati saṃvegaṃ āpajjati – ‘alābhā vata me, na vata me lābhā, dulladdhaṃ vata me, na vata me suladdhaṃ. Yassa me evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato upekkhā kusalanissitā na saṇṭhātī’ti. Seyyathāpi, āvuso, suṇisā sasuraṃ disvā saṃvijjati saṃvegaṃ āpajjati; evameva kho, āvuso, tassa ce bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhāti. So tena saṃvijjati saṃvegaṃ āpajjati – ‘alābhā vata me, na vata me lābhā, dulladdhaṃ vata me, na vata me suladdhaṃ. Yassa me evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhātī’ti. Tassa ce, āvuso, bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā saṇṭhāti, so tena attamano hoti. Ettāvatāpi kho, āvuso, bhikkhuno bahukataṃ hoti.

306. ‘‘Seyyathāpi, āvuso, kaṭṭhañca paṭicca valliñca paṭicca tiṇañca paṭicca mattikañca paṭicca ākāso parivārito agāraṃ tveva saṅkhaṃ gacchati; evameva kho, āvuso, aṭṭhiñca paṭicca nhāruñca paṭicca maṃsañca paṭicca cammañca paṭicca ākāso parivārito rūpaṃ tveva saṅkhaṃ gacchati. Ajjhattikañceva, āvuso, cakkhuṃ aparibhinnaṃ hoti, bāhirā ca rūpā na āpāthaṃ āgacchanti, no ca tajjo samannāhāro hoti, neva tāva tajjassa viññāṇabhāgassa pātubhāvo hoti. Ajjhattikañceva ajjhattikañce (sī. syā. pī.), ajjhattikañcepi (?), āvuso, cakkhuṃ aparibhinnaṃ hoti bāhirā ca rūpā āpāthaṃ āgacchanti, no ca tajjo samannāhāro hoti, neva tāva tajjassa viññāṇabhāgassa pātubhāvo hoti. Yato ca kho, āvuso, ajjhattikañceva cakkhuṃ aparibhinnaṃ hoti, bāhirā ca rūpā āpāthaṃ āgacchanti, tajjo ca samannāhāro hoti. Evaṃ tajjassa viññāṇabhāgassa pātubhāvo hoti. Yaṃ tathābhūtassa rūpaṃ taṃ rūpupādānakkhandhe saṅgahaṃ gacchati, yā tathābhūtassa vedanā sā vedanupādānakkhandhe saṅgahaṃ gacchati, yā tathābhūtassa saññā sā saññupādānakkhandhe saṅgahaṃ gacchati, ye tathābhūtassa saṅkhārā te saṅkhārupādānakkhandhe saṅgahaṃ gacchanti, yaṃ tathābhūtassa viññāṇaṃ taṃ viññāṇupādānakkhandhe saṅgahaṃ gacchati.

‘‘So evaṃ pajānāti – ‘evañhi kira imesaṃ pañcannaṃ upādānakkhandhānaṃ saṅgaho sannipāto samavāyo hoti. Vuttaṃ kho panetaṃ bhagavatā – ‘yo paṭiccasamuppādaṃ passati so dhammaṃ passati; yo dhammaṃ passati so paṭiccasamuppādaṃ passatīti. Paṭiccasamuppannā kho panime yadidaṃ pañcupādānakkhandhā. Yo imesu pañcasu upādānakkhandhesu chando ālayo anunayo ajjhosānaṃ so dukkhasamudayo. Yo imesu pañcasu upādānakkhandhesu chandarāgavinayo chandarāgappahānaṃ, so dukkhanirodho’ti. Ettāvatāpi kho, āvuso, bhikkhuno bahukataṃ hoti.

‘‘Ajjhattikañceva, āvuso, sotaṃ aparibhinnaṃ hoti…pe… ghānaṃ aparibhinnaṃ hoti… jivhā aparibhinnā hoti… kāyo aparibhinno hoti… mano aparibhinno hoti, bāhirā ca dhammā na āpāthaṃ āgacchanti no ca tajjo samannāhāro hoti, neva tāva tajjassa viññāṇabhāgassa pātubhāvo hoti. Ajjhattiko ceva, āvuso, mano aparibhinno hoti, bāhirā ca dhammā āpāthaṃ āgacchanti, no ca tajjo samannāhāro hoti, neva tāva tajjassa viññāṇabhāgassa pātubhāvo hoti. Yato ca kho, āvuso, ajjhattiko ceva mano aparibhinno hoti, bāhirā ca dhammā āpāthaṃ āgacchanti, tajjo ca samannāhāro hoti, evaṃ tajjassa viññāṇabhāgassa pātubhāvo hoti. Yaṃ tathābhūtassa rūpaṃ taṃ rūpupādānakkhandhe saṅgahaṃ gacchati, yā tathābhūtassa vedanā sā vedanupādānakkhandhe saṅgahaṃ gacchati, yā tathābhūtassa saññā sā saññupādānakkhandhe saṅgahaṃ gacchati, ye tathābhūtassa saṅkhārā te saṅkhārupādānakkhandhe saṅgahaṃ gacchanti, yaṃ tathābhūtassa viññāṇaṃ taṃ viññāṇupādānakkhandhe saṅgahaṃ gacchati. So evaṃ pajānāti – ‘evañhi kira imesaṃ pañcannaṃ upādānakkhandhānaṃ saṅgaho sannipāto samavāyo hoti. Vuttaṃ kho panetaṃ bhagavatā – ‘‘yo paṭiccasamuppādaṃ passati so dhammaṃ passati; yo dhammaṃ passati so paṭiccasamuppādaṃ passatī’’ti. Paṭiccasamuppannā kho panime yadidaṃ pañcupādānakkhandhā. Yo imesu pañcasu upādānakkhandhesu chando ālayo anunayo ajjhosānaṃ so dukkhasamudayo. Yo imesu pañcasu upādānakkhandhesu chandarāgavinayo chandarāgappahānaṃ so dukkhanirodho’ti. Ettāvatāpi kho, āvuso, bhikkhuno bahukataṃ hotī’’ti.

Idamavoca āyasmā sāriputto. Attamanā te bhikkhū āyasmato sāriputtassa bhāsitaṃ abhinandunti.

Mahāhatthipadopamasuttaṃ niṭṭhitaṃ aṭṭhamaṃ.

Source 「经源」

Tipiṭaka (Mūla): Suttapiṭaka: Majjhimanikāya: Mūlapaṇṇāsa: 3. Opammavaggo:  8. Mahāhatthipadopamasuttaṃ

经藏《根本经典》 → 中部 → 根本五十经篇 → 第三品《譬喻品》 → 第八经《大象迹喻经》

Kakacūpama Sutta

Ingatlah para bhikkhu, saat orang lain berbicara kepadamu,
engkau seyogyanya melatih diri didalam perenungan demikian:

Pikiran kami teguh dan tidak akan terpengaruh oleh ucapan yang tidak luhur,
tidak pula berucap dikarenakan rasa takut ataupun karena berpikir bahwa
hal itu akan menguntungkan diri sendiri.

Kami akan membiarkan batin ini senantiasa dalam kedamaian, rasa persahabatan serta keramah-tamahan,
bukan sebaliknya didalam yang jahat dan tidak luhur.

Biarlah batin ini sepenuhnya berdiam didalam cinta kasih, didalam kesadaran agung nan luhur tersebut,
yang tumbuh dan berkembang dengan baik dalam batin ini diarahkan kesegenap alam tak terbatas.

Tanpa adanya rasa permusuhan ataupun kedengkian yang tersisa,
tanpa adanya kekejaman ataupun niat licik akan melukai sedikitpun.
Namun, sepenuhnya berdiam didalam kedamaian dan kebaikan.

Demikianlah o para siswa, engkau sekalian seharusnya melatih diri.

---

Tipiṭaka – Sutta Piṭaka – Majjhima Nikāya – Mūlapaṇṇāsa – Opammavaggo – Kakacūpama Sutta 

=====================

比丘们，当别人对你说话的时候，
你们应当这样训练自己：

我们的心坚固，不会被不善的话语所动摇，
也不会因为恐惧，或为了自身的利益而说出不当的话。

我们让内心常住于宁静、友善与慈爱，
而不是存于邪恶和不善之中。

让这颗心完全安住于慈悲之中，
在那崇高而伟大的觉知中，
不断成长、扩展，并遍及无量无边的世界。

没有任何仇恨或嫉妒残留，
没有任何残忍或恶意想要伤害他人。
唯有完全安住于和平与善良之中。

诸位弟子啊，你们应当如此训练自己。

——《中部·譬喻品·锯喻经》

==============

Monks, when others speak to you,
you should train yourselves in this reflection:

Our mind is firm and unshaken by unwholesome speech,
nor will we speak out of fear or out of desire for self-benefit.

We shall let our hearts abide always in peace, friendship, and kindness,
and not dwell in what is evil or unwholesome.

Let the mind dwell fully in loving-kindness,
in that sublime awareness,
growing and expanding, directed toward the boundless world.

With no trace of hatred or resentment remaining,
with no cruelty or deceit intending to harm even the slightest,
but wholly abiding in peace and goodness.

Thus, O disciples, you should train yourselves.

— Majjhima Nikāya – Kakacūpama Sutta (The Simile of the Saw)

Sumana Sāmaṇera

12. Sumanasāmaṇera

Setelah meminta izin kepada ibunya, ia (Anuruddha Thera) bersama dengan lima bangsawan Sakiya, dipimpin oleh Bhaddiya, pergi meninggalkan keduniawian, mendatangi Sang Guru di hutan Anupiya, lalu ditahbiskan sebagai bhikkhu. Setelah ditahbiskan, ia menempuh Jalan Lurus, dan secara bertahap merealisasi tiga pengetahuan agung (tevijjā). Dengan mata dewa (dibbacakkhu), ia dapat, sambil duduk di satu tempat saja, melihat ribuan sistem dunia, sejelas melihat buah amalaki yang diletakkan di telapak tangan. Ia kemudian melafalkan syair kegembiraan: 

 “Aku mengetahui kehidupan lampau, 

Mata dewa telah dimurnikan, 

Aku mencapai tiga pengetahuan, 

memiliki kekuatan batin, 

Ajaran Buddha telah kutunaikan.” 

(Theragāthā 332, 562) 

 Setelah mengucapkan seruan kegembiraan itu, ia merenung: “Perbuatan apa yang telah kulakukan sehingga memperoleh pencapaian agung ini?” Dengan pengamatan batinnya, ia mengetahui: “Di hadapan Buddha Padumuttara aku pernah menanam tekad.” Kemudian ia melihat kembali: “Dalam lingkaran samsara, pada suatu masa di kota Bārāṇasī, aku pernah hidup bergantung pada saudagar Sumanasetthi, sebagai seorang miskin bernama Annabhāra (Pembawa makanan).” Maka ia bersyair: 

 “Dulu aku Annabhāra, Orang miskin pengumpul rumput; 

Sebuah sedekah makanan kuberikan Kepada Paccekabuddha Upariṭṭha yang luhur.”

Pada suatu hari, seorang Paccekabuddha bernama Upariṭṭha yang tinggal di Gandhamādana, bangkit dari pencapaian nirodhasamāpatti. Ia berpikir: ‘Siapa yang patut kuberi bantuan hari ini?’ Lalu ia mengetahui: ‘Hari ini tepat bila aku memberi kesempatan kebajikan kepada Annabhāra. Sekarang ia sedang mengambil rumput dari hutan dan akan segera kembali ke rumah.’ Maka ia mengambil mangkuk dan jubahnya, lalu dengan kekuatan iddhi (kesaktian batin) ia berdiri di hadapan Annabhāra.

Annabhāra melihat beliau berdiri dengan mangkuk kosong di tangan, lalu bertanya: ‘Bhante, apakah Anda sudah mendapatkan makanan?’ Paccekabuddha menjawab: ‘Akan mendapatkannya, orang yang penuh jasa.’ Annabhāra berkata: ‘Kalau begitu, Bhante, harap tunggu sebentar.’ Ia meletakkan rumput yang dipikulnya, lalu dengan cepat pulang ke rumah.

Sesampainya di rumah, ia bertanya kepada istrinya: ‘Istriku, apakah masih ada makanan yang disisihkan untukku, atau tidak?’ Istrinya menjawab: ‘Ada, suamiku.’ Segera ia kembali lagi dengan cepat, lalu mengambil mangkuk Paccekabuddha. Ia berkata: ‘Ketika aku ingin memberi, sering kali tidak ada sesuatu untuk diberikan. Bila ada yang bisa diberikan, aku tidak menemukan penerimanya. Tetapi hari ini, aku melihat penerimanya dan juga ada yang dapat diberikan. Sungguh beruntunglah aku!’ Ia pergi ke rumah, menyuruh istrinya memasukkan makanan ke dalam mangkuk itu, lalu mengembalikannya dan meletakkannya di tangan Paccekabuddha.

“Kemudian ia membuat aspirasinya: 

‘Dengan pemberian ini, semoga kemiskinan tidak menimpa diriku. Semoga kata-kata “tidak ada” tidak pernah terdengar dalam kehidupanku yang akan datang. Bhante, semoga aku terbebas dari kesulitan hidup seperti ini, dan semoga aku tidak pernah mendengar kata “tidak ada” di masa-masa mendatang.’

Note: 

"Tidak ada": kesusahan karena kemiskinan, uang tidak ada, makanan tidak ada, dan serba tidak ada

“Tidak ada” di sini memiliki simbol penderitaan kemiskinan.
Dengan aspirasinya, Annabhāra memohon supaya ia:

tidak mengalami kemiskinan lagi,

tidak perlu mengucapkan kata “tidak ada” setiap kali orang meminta sesuatu darinya,

selalu memiliki cukup untuk berbagi.

Paccekabuddha itu berkata: ‘Demikianlah hendaknya terjadi, orang yang penuh jasa,’ kemudian beliau memberikan anumodanā (berkah balasan), lalu pergi.

Ketika itu, dewa pelindung di atas payung Sumanaseṭṭhi berseru,
“Wah, sungguh pemberian yang agung, sungguh mulia, persembahan ini tertuju dengan baik kepada Paccekabuddha Upariṭṭha!”
Ia berseru sādhukāra tiga kali (pujian, “sādhu, sādhu, sādhu!”).

Lalu Sumanaseṭṭhi (pedagang kaya itu) berkata kepada dewa itu:
“Kenapa engkau tidak pernah memberi seruan sādhu ketika selama ini aku senantiasa memberi dana?”

Dewa itu menjawab:
“Aku tidak mengucapkan sādhu karena pemberianmu, tetapi karena aku merasa gembira terhadap sedekah nasi yang diberikan oleh Annabhāra kepada Paccekabuddha Upariṭṭha. Maka aku berseru sādhu.”

Mendengar itu, Sumanaseṭṭhi merenung:
“Sungguh mengherankan! Selama ini aku memberi dana terus-menerus, namun tidak mampu membuat dewa mengucap sādhu. Tetapi Annabhāra, yang hanya hidup bergantung padaku, dengan satu sendok nasi saja bisa membuat dewa mengucap sādhu! Baiklah, aku akan menghargai pemberian itu, dan menjadikan persembahan nasi itu sebagai milikku.”

Lalu ia memanggil Annabhāra dan bertanya:
“Hari ini engkau memberikan sesuatu kepada seseorang?”

“Ya, tuan, hari ini saya memberikan nasi jatah saya kepada Paccekabuddha Upariṭṭha.”

“Kalau begitu, bawalah persembahan itu kepadaku bersama dengan uang. Ambillah kahāpaṇa (koin perak), dan serahkan persembahan itu kepadaku.”

Tetapi Annabhāra berkata:
“Tidak, tuan, saya tidak akan memberikannya.”

Sumanaseṭṭhi menawar hingga seribu kahāpaṇa, tetapi Annabhāra tetap tidak memberikannya.

Akhirnya Sumanaseṭṭhi berkata:
“Kalau begitu, baiklah, meski engkau tidak memberikan persembahan itu kepadaku, setidaknya ambillah seribu kahāpaṇa ini, dan berikan patti (jasa atau kebajikan hasil dari pemberian itu) kepadaku.”

Annabhāra menjawab:
“Saya akan tanyakan dahulu kepada Tuan Guru (Paccekabuddha).”

Dengan segera ia pergi menemui Paccekabuddha, lalu bertanya:
“Bhante, Sumanaseṭṭhi memberikan seribu kahāpaṇa dan meminta bagian jasa dari piṇḍapāta yang saya berikan kepada Anda. Apa yang harus saya lakukan?”

Paccekabuddha Upariṭṭha memberikan perumpamaan:

"Wahai pandita, seumpama dalam sebuah desa seratus keluarga, di satu rumah dinyalakan lampu. Kemudian orang-orang lain datang dengan minyaknya sendiri, membasahi sumbu, dan menyalakan api dari lampu itu. Maka tidak dapat dikatakan bahwa cahaya lampu pertama berkurang—bahkan justru bertambah."

Begitu pula dengan dana: apakah itu hanya semangkuk bubur atau sesendok makanan, bila seseorang memberi patti (pelimpahan jasa) dari persembahannya, maka kebajikan yang ia berikan justru bertambah.

"Kamu (Annabhāra) hanya memberi satu porsi makanan, tetapi karena dipersembahkan dengan pelimpahan jasa kepada seṭṭhi, maka buahnya menjadi dua: satu milikmu, satu miliknya."

Mendengar itu, Annabhāra pun berkata "Sādhu, bhante" dan pergi kembali ke seṭṭhi. Ia menyampaikan bahwa patti (pelimpahan jasa) diberikan.

Seṭṭhi berkata: "Kalau begitu, terimalah seribu kahāpaṇa (uang logam). Aku tidak sedang membeli makananmu; melainkan sebagai tanda hormat pada keyakinanmu, aku memberimu ini. Mulai sekarang, jangan lagi bekerja kasar dengan tanganmu. Buatlah rumah di jalan, dan hiduplah di sana. Apa pun yang kamu perlukan, ambillah dari saya."

Demikianlah, makanan yang diberikan kepada seorang Paccekabuddha yang baru bangkit dari pencapaian nirodha menghasilkan buah (vipāka) pada hari itu juga.

Raja mendengar kisah ini, memanggil Annabhāra, menerima pelimpahan jasa darinya, lalu menghadiahkan harta yang sangat besar, dan mengangkatnya ke kedudukan seorang seṭṭhi (hartawan utama).

 Inti makna:

1. Pelimpahan jasa (patti) tidak mengurangi pahala pemberi utama, malah membuat pahala itu berlipat ganda.

2. Dana kepada Paccekabuddha langsung berbuah cepat.

3. Annabhāra yang miskin menjadi hartawan terkemuka karena satu persembahan makanan, berkat keyakinan dan aspirasi tulusnya.

Source「经源」:

Tipiṭaka: Suttapiṭaka: Khuddakanikāya: Dhammapada: 25. Bhikkhuvaggo: 12. Sumanasāmaṇera

三藏 · 经藏 · 小部 · 《法句经》 · 第25品《比丘品》 · 第12偈：须摩那沙弥

12. Sumanasāmaṇera

12. Sumanasāmaṇera

mātaraṃ āpucchitvā bhaddiyapamukhehi pañcahi sākiyakumārehi saddhiṃ nikkhamitvā anupiyambavane satthāraṃ upasaṅkamitvā pabbaji. Pabbajitvā ca pana sammāpaṭipadaṃ paṭipanno anupubbena tisso vijjā sacchikatvā dibbena cakkhunā ekāsane nisinnova hatthatale ṭhapitaāmalakāni viya sahassalokadhātuyo olokanasamattho hutvā – ‘‘Pubbenivāsaṃ jānāmi, dibbacakkhu visodhitaṃ; Tevijjo iddhipattomhi, kataṃ buddhassa sāsana’’nti. (theragā. 332, 562) – Udānaṃ udānetvā ‘‘kiṃ nu kho me katvā ayaṃ sampatti laddhā’’ti olokento ‘‘padumuttarapādamūle patthanaṃ ṭhapesi’’nti ñatvā puna ‘‘saṃsāre saṃsaranto asukasmiṃ nāma kāle bārāṇasiyaṃ sumanaseṭṭhiṃ nissāya jīvanto annabhāro nāma ahosi’’ntipi ñatvā – ‘‘Annabhāro pure āsiṃ, daliddo tiṇahārako; Piṇḍapāto mayā dinno, upariṭṭhassa tādino’’ti. –

Athekadivasaṃ upariṭṭho nāma paccekabuddho 

gandhamādane nirodhasamāpattito vuṭṭhāya 

‘‘kassa nu kho ajja anuggahaṃ karissāmī’’ti cintetvā 

‘‘ajja mayā annabhārassa anuggahaṃ kātuṃ vaṭṭati, 

idāni ca so aṭavito tiṇaṃ ādāya gehaṃ āgamissatī’’ti 

ñatvā pattacīvaramādāya iddhiyā gantvā 

annabhārassa sammukhe paccuṭṭhāsi. 

Annabhāro taṃ tucchapattahatthaṃ disvā 

‘‘api , bhante, bhikkhaṃ labhitthā’’ti pucchitvā 

‘‘labhissāma mahāpuññā’’ti vutte ‘‘tena hi, bhante, 

thokaṃ āgamethā’’ti tiṇakājaṃ chaḍḍetvā vegena gehaṃ gantvā, 

‘‘bhadde, mayhaṃ ṭhapitabhāgabhattaṃ atthi, natthī’’ti 

bhariyaṃ pucchitvā ‘‘atthi, sāmī’’ti vutte vegena paccāgantvā 

paccekabuddhassa pattaṃ ādāya 

‘‘mayhaṃ dātukāmatāya sati deyyadhammo na hoti, 

deyyadhamme sati paṭiggāhakaṃ na labhāmi. 

Ajja pana me paṭiggāhako ca diṭṭho, 

deyyadhammo ca atthi, lābhā vata me’’ti 

gehaṃ gantvā bhattaṃ patte pakkhipāpetvā 

paccāharitvā paccekabuddhassa hatthe patiṭṭhapetvā –

‘‘Iminā pana dānena, mā me dāliddiyaṃ ahu;

Natthīti vacanaṃ nāma, mā ahosi bhavābhave. –

Bhante evarūpā dujjīvitā mucceyyaṃ, 

natthīti padameva na suṇeyya’’nti patthanaṃ ṭhapesi. 

Paccekabuddho ‘‘evaṃ hotu mahāpuññā’’ti 

vatvā anumodanaṃ katvā pakkāmi.

Sumanaseṭṭhinopi chatte adhivatthā devatā 

‘‘aho dānaṃ paramadānaṃ, upariṭṭhe supatiṭṭhita’’nti 

vatvā tikkhattuṃ sādhukāramadāsi. 

Atha naṃ seṭṭhi 

‘‘kiṃ maṃ ettakaṃ kālaṃ dānaṃ 

dadamānaṃ na passasī’’ti āha. 

Nāhaṃ tava dānaṃ ārabbha sādhukāraṃ demi, 

annabhārena pana upariṭṭhassa dinnapiṇḍapāte 

pasīditvā mayā esa sādhukāro pavattitoti. 

So ‘‘acchariyaṃ vata, bho, ahaṃ ettakaṃ kālaṃ dānaṃ 

dadanto devataṃ sādhukāraṃ dāpetuṃ nāsakkhiṃ, 

annabhāro maṃ nissāya jīvanto ekapiṇḍapāteneva sādhukāraṃ dāpesi, 

tassa dāne anucchavikaṃ katvā taṃ piṇḍapātaṃ mama 

santakaṃ karissāmī’’ti 

cintetvā taṃ pakkosāpetvā ‘‘ajja tayā kassaci kiñci dinna’’nti pucchi. 

‘‘Āma, sāmi, upariṭṭhapaccekabuddhassa me ajja bhāgabhattaṃ dinna’’nti. 

‘‘Handa, bho, kahāpaṇaṃ gahetvā etaṃ mayhaṃ piṇḍapātaṃ dehī’’ti? 

‘‘Na demi, sāmī’’ti. So yāva sahassaṃ vaḍḍhesi, itaro sahassenāpi nādāsi. 

Atha naṃ ‘‘hotu, bho, yadi piṇḍapātaṃ na desi, sahassaṃ gahetvā pattiṃ me dehī’’ti āha. 

So ‘‘ayyena saddhiṃ mantetvā jānissāmī’’ti vegena paccekabuddhaṃ sampāpuṇitvā, 

‘‘bhante sumanaseṭṭhi, sahassaṃ datvā tumhākaṃ piṇḍapāte pattiṃ yācati, kiṃ karomī’’ti pucchi.

Athassa so upamaṃ āhari ‘‘seyyathāpi, paṇḍita, kulasatike gāme ekasmiṃ ghare dīpaṃ jāleyya, 

sesā attano telena vaṭṭiṃ temetvā jālāpetvā gaṇheyyuṃ, purimapadīpassa pabhā atthīti vattabbā natthī’’ti. 

Atirekatarā, bhante, pabhā hotīti. Evamevaṃ paṇḍita uḷuṅkayāgu vā hotu, kaṭacchubhikkhā vā, attano piṇḍapāte paresaṃ pattiṃ dentassa yattakānaṃ deti, tattakaṃ vaḍḍhati. 

Tvañhi ekameva piṇḍapātaṃ adāsi, seṭṭhissa pana pattiyā dinnāya dve piṇḍapātā honti eko tava, eko tassāti.

So ‘‘sādhu, bhante’’ti taṃ abhivādetvā seṭṭhissa santikaṃ gantvā ‘‘gaṇha, sāmi, patti’’nti āha. Tena hi ime kahāpaṇe gaṇhāti. 

Nāhaṃ piṇḍapātaṃ vikkiṇāmi, saddhāya te pattiṃ dammīti. 

‘‘Tvaṃ saddhāya desi, ahampi tava guṇe pūjemi, gaṇha, tāta, ito paṭṭhāya ca pana mā sahatthā kammamakāsi, vīthiyaṃ gharaṃ māpetvā vasa. 

Yena ca te attho hoti, 

sabbaṃ mama santikā gaṇhāhī’’ti āha. 

Nirodhā vuṭṭhitassa pana dinnapiṇḍapāto 

tadaheva vipākaṃ deti. 

Tasmā rājāpi taṃ pavattiṃ sutvā annabhāraṃ 

pakkosāpetvā pattiṃ gahetvā 

mahantaṃ bhogaṃ datvā tassa seṭṭhiṭṭhānaṃ dāpesi. 

Source「经源」:

Tipiṭaka: Suttapiṭaka: Khuddakanikāya: Dhammapada: 25. Bhikkhuvaggo: 12. Sumanasāmaṇera

三藏 · 经藏 · 小部 · 《法句经》 · 第25品《比丘品》 · 第12偈：须摩那沙弥