सुचरितसुत्तं - Sucaritasuttaṃ

65. वुत्तञ्हेतं भगवता, वुत्तमरहताति मे सुतं
Vuttañhetaṃ bhagavatā, vuttamarahatāti me sutaṃ

‘‘तीणिमानि, भिक्खवे, सुचरितानि। कतमानि तीणि?
कायसुचरितं, वचीसुचरितं, मनोसुचरितं
इमानि खो, भिक्खवे, तीणि सुचरितानी’’ति।
‘‘Tīṇimāni, bhikkhave, sucaritāni. Katamāni tīṇi?
Kāyasucaritaṃ, vacīsucaritaṃ, manosucaritaṃ
imāni kho, bhikkhave, tīṇi sucaritānī’’ti.


एतमत्थं भगवा अवोच। तत्थेतं इति वुच्चति
‘‘कायदुच्चरितं हित्वा, वचीदुच्चरितानि च।
मनोदुच्चरितं हित्वा, यञ्चञ्ञं दोससंहितं॥
Etamatthaṃ bhagavā avoca. Tatthetaṃ iti vuccati
‘‘Kāyaduccaritaṃ hitvā, vacīduccaritāni ca;
Manoduccaritaṃ hitvā, yañcaññaṃ dosasaṃhitaṃ.


‘‘अकत्वाकुसलं कम्मं, कत्वान कुसलं बहुं।
कायस्स भेदा सप्पञ्ञो, सग्गं सो उपपज्जती’’ति॥
अयम्पि अत्थो वुत्तो भगवता, इति मे सुतन्ति। छट्ठं।
‘‘Akatvākusalaṃ kammaṃ, katvāna kusalaṃ bahuṃ;
Kāyassa bhedā sappañño, saggaṃ so upapajjatī’’ti.
Ayampi attho vutto bhagavatā, iti me sutanti. Chaṭṭhaṃ.

Bahasa Indonesia
For English translation click here
中文翻譯，請按這裡